Nagpahayag sang interes ang Secretary General sang Permanent Court of Arbitration (PCA) nga si Dr. Marcin Czepelak nga magtukod sang Host Country Agreement sa Pilipinas.
Ini agud mapadali ang pagahiwaton nga pagsinapol sang PCA sa pungsod.
Sa courtesy call ni Czepelak kay Pangulong Ferdinand Marcos Jr., ginkilala sini ang kontribusyon sang Pilipinas sa organisasyon ilabi na sa karun nga pagdumala sang pungsod sa PCA Administrative Council.
Ini matapos mapili bilang acting President sang administrative council sang PCA si Philippine Ambassador Eduardo Malaya.
Si Malaya ang una nga Pilipino kag ika-duha nga non-Dutch national nga nagpamuno sa PCA Administrative Council.
Mahibaluan nga ang pagbisita ni Czepelak, ang kabahin sang selebrasyon sang ika-125 nga tuig sang PCA nga naghatag sang desisyon nga pabor sa Pilipinas may kaangtanan sa gina-agawan nga teritoryo sa tunga sang China.
Samtang, ginsumite naman sang Secretary-General ang kopya sang ila annual report sa Presidente.
