Nagsugod nga mabataon sang mga miyembro sang Philippine men’s curling team ang ila tagsa ka mga cash incentives nagikan sa gobyerno.
Kadungan ini sa pagkakuha nila sang makasaysayan nga bulawan nga medalya sa ginpasakupan nga Asian Winter Games sa China.
Suno sa Philippine Olympic Committee (POC), nahatagan na nila ang tagsa ka miyembro sang tig- P275,000.00 bilang incentives nagikan sa POC Executive Board.
Suno kay POC President Abraham Tolentino, ang nasambit nga balor magamay lamang kung ikumparar sa mga sakripisyo kag mga kaugalingon nga gastos sang hubon samtang sila nagapadailum sa trainings.
Mahibaluan nga ang nasambit nga grupo ang ginakabug-usan nanday Marc Pfister, Christian Haller, Enrico Pfister, Alen Frei, alternate kag Curling Pilipinas president Benjo Delarmente.
