Naga-apelar ang Philippine Movement for Climate Justice (PMCJ) sa gobyerno nga magdeklarar sang national climate emergency sa tunga sang nagalala nga epekto sang tig-ilinit.
Suno kay PMCJ senior campaign officer Laica Rayel, daku na ang halit sa sektor sang agrikultura bangud sa kakulang sang tubig kag mataas nga gasto sa produksyon bangud sa oil crisis.
Ginhatagan niya sang importansya nga ang bulig lamang indi bastante kag kinahanglan ang mas malapad kag malawig nga sabat sa pagpakigbato sa climate crisis.
Nagalakip ini sang pagpatuman sang science-based climate action plans kag pagbiya sa paggamit sang fossil fuels.
Base sa report sang state weather bureau, 15 ka mga probinsya sa Luzon ang nagaeksperyensya sang grabe nga init.
Ginpaidalom man sa state of calamity ang probinsya sang Isabela kag Cagayan.
Tinutuyo sang panawagan nga ipadaku nga ang matuod nga kadalag-an batok sa krisis sa klima nasandig sa madasig kag kolektibo nga aksyon sang gobyerno kag pumuluyo.
