Philippine men’s national football team, nagapangayo sang pangamuyo sa hampang nila batuk sa Thailand

Nagapangayo sang pangamuyo ang Philippine men’s national football team bangud sa indi pa tapos ang ila trabaho matapos nga mapagkit ang makasaysayan nga kadalag-an kontra sa Thailand para sa first leg sang ASEAN Championship.

Suno kay Philippines coach Albert Capellas, nga isa ka hampang lamang ini kag importante nga maliwat ang pagkadaog nila sa home court sang Thailand.

Ginasiguro sang mga ini nga pagahimuon nila ang tanan nga makaya para magdaog.

Matandaan nga sining Biyernes sang mapagkit sang Men’s football team ang makasaysayan nga kadalag-an sa iskor nga 2-1 sa Thailand nga ginakabig bilang una nga kahigayunan nga nalutos nila ang grupo sa sulod sang 52 tuig.