Nakahanda na ang Philippine National Police-Anti-Cybercrime Group (PNP-ACG) nga magpatigayon sang forensic examination sa mga computer sang nagtaliwan nga si Former Public Works and Highways USec. Maria Catalina Cabral agud i-verify ang ginatawag nga “Cabral files” nga gina-alegar nagaunod sang budget data para sa tagsa ka rehiyon kag distrito lakip na ang mga pangalan sang mga proponents sang flood control projects.
Suno sa iya, magakooperar ang ACG sa Ombudsman may kaangtanan diri.
Suno kay PNP spokesperson Brig. Gen Randulf Tuaño, may yara sang pauna nga impormasyon kun ano nga sahi sang bulig ang kinahanglan sang Ombudsman gikan sa grupo.
Sa subong, wala pa ma-turn-over sang Ombudsman ang mga computers sa Anti-Cybercrime Group para sa review nga pagahiwaton.
Gin-athag sang opisyal sang Philippine National Police nga sarang mabawi sang Anti-Cybercrime Group ang mga file bisan pa nga na-delete na ini sa mga computer kag iban pa nga gadgets.
Ginsiling sini nga sa tion nga ma-turn-over na ang mga computer sa Anti-Cybercrime Group, gilayon nga magasugod ang imbestigasyon.
