-- ADVERTISEMENT --
Sumugod subong nga adlaw, Mayo 3, 2025, yara na sa full alert status ang Philippine National Police (PNP) bilang preparasyon sa palaabuton nga eleksyon sa Mayo 12.
Suno kay PNP chief Rommel Marbil, yara na sa ground ang ila mga tinawo.
Ginmanduan sini ang mga pulis nga hugtan ang pagbantay agud masiguro ang luwas nga eleksyon.
Kapin sa 120,000 ka mga pulis ang gintangdo sa pagbantay sa kapin sa 37,000 ka mga sentro sang pagboto sa bug-os nga pungsod.
Nagpanawagan man si Marbil sa publiko nga magkooperar sa pagdula sang sin-o man nga nagaplano nga magtublag sa eleksyon.
-- ADVERTISEMENT --
