Roxas City – Magapahamtang ang Philipinne Red Cross (PRC-Capiz Chapter) sang emergency medical units sa duha ka mga ospital sa probinsya sang Capiz.
Ini ang ginpahayag ni Mr. Ray Martinez, PRC-Capiz Chapter administrator sang ma-interview sang Bombo Radyo.
Suno kay Martinez magapahamtang sila sang duha ka emergency medical units sa ospital sang Tapaz District Hospital kag Bailan District Hospital para sa mga pasyente nga nagasuprer sang balatian nga dengue.
Nahibaluan nga ang nasambit nga emergency medical units ukon tents ang may yara sang kapin 20 ka mga bed capacity kag air-conditioned agud mangin komportable man ang mga pasyente.
Bangud diri, maibanan na ang pagginutok sang mga pasyente sa ospital.
Mahibaluan nga may yara man sang mga na-assign nga mga nurses, doctors kag volunteers nga magahatag sang pagtamud sa kinahanglanon sang mga pasyente.
