Ginpabugal sang Philippine Sports Commission (PSC) nga wala na sang problema ukon abirya nga matabo kag handa na sila nga mag-host sang first-ever Philippine Women’s Open.
Suno kay PSC chairman Patric Gregorio, 100 percent na nga preparado ang mga tennis court sa Rizal Memorial Sports Complex antes ang tournament qualifiers sa Sabado.
Dugang pa sini nga madamo na sila sang mga pagbag-o kaangay sang mga fan zone, gardens kag mismo ang mga playing court.
Humalin sang Disyembre, nagabuligay ang PSC, Department of Public Works and Highways kag ang City Government of Manila sa pagpakay-o sang Rizal Memorial Sports complex.
Magasugod ang Philippine Women’s Open main draw matches sa Enero 26 tubtob 31 samtang ang qualifiers naman ang magasugod sa Enero 24 tubtob 25.
