Nagnubo ang Philippine Stock Exchange index (PSEi) sa katapusan sang semana matapos nagtaas ang presyo sang gatong kag nagluya ang peso kasunod sang pagsaka sang interest rate sang Bangko Sentral ng Pilipinas (BSP).
Ang main index nagnubo sang 40.32 % ukon 0.67 %. Ang sektor sang bangko ang nanguna sa pagnubo samtang ang industriyal counter nagpabilin nga malig-on.
Naglab-ot naman sa 2.09 billion shares nga may balor nga ₱5.51 billion ang kabug-usan nga volume.
Suno sa mga market analyst, nagapabilin sa risk-off mode ang mga investors bangud sa padayon nga pagluya sang peso kasunod sang pagsaka sang interest rate sang BSP nga nagdugang sang pressure sa equities.
Dugang pa sang mga eksperto, nagdugang ang kabalaka sa mercado bangud sang nagapadayon nga tensyon sa Middle East kag nagataas nga mga ginapaabot nga inflation pagkatapos nga ginpataas sang BSP ang ila policy rate sang 25 basis points.
Ginabulubanta nga magalab-ot sa 6.3 % ang inflation subong nga tuig.
Samtang, ginpahayag man nga nagtaas sang 4.3 % ang presyo sang WTI crude oil sa $99.89 kada bariles matapos nga na-delay ang peace talks sang Estados Unidos kag Iran nga labi pa nga nagtuga sang oil crisis.
