Nagnubo sa Philippine Stock Exchange index (PSEi) sa idalom sang 6,000 Level sang Biyernes, bangud nag-untat ang mga investors antes ang weekend bangud sa kahadlok sa epekto sang oil cris sa ekonomiya.
Ang Philippine Stock Exchange index nagnubo sang 64.56 points, ukon 1.06 percent, agud magsira sa 5,999.13.
Nagpanguna naman sa pagnubo ang mga conglomerates samtang mas madamo naman ang napierde kon ipaanggid sa pagtaas sang mga stocks.
Suno sa mga market analyst, nagpabilin sa sidelines ang mga investors samtang nagahulat sang monetary policy meeting sang Bangko Sentral ng Pilipinas.
Dugang diri ang paandam sang International Monetary Fund nga ang sobra nga pagsalig sang Pilipinas sa imported oil ang nagatisting sang kabaskog sang ekonomiya sa tunga sang krisis sa Middle East.
