Nagnubo ang stock market sang Pilipinas bangud nagakabalaka ang mga investors sa nagalala nga tensyon sa Middle East nga mahimo magduso sa pagtaas sang presyo sang langis, inflation, kag interest rates.
Nagluya man trading bangud sang holiday, kon sa diin ang kabug-usan nga balor sang transaksyon naglab-ot lamang sa ₱5.52 billion.
Suno sa mga market analyst, ang investor sentiment naapektuhan sang nagapadayon nga mga pag-atake sa Iran kag kahadlok sa dugang nga kinagamo sa rehiyon.
Bangud sini, may kahadlok man nga mapilitan liwat ang Bangko Sentral ng Pilipinas nga magpataas sang interest kun maglala ang inflationary pressures.
Sa pihak sang pagluya sang merkado, ang foreign investors nakarekord gihapon sang net inflow nga P554 million, samtang ang mga financial kag property sectors ang nanguna sa pinakadaku nga kapierdihan sa trading session.
