Nagtimbuok ang trade deficit sang Pilipinas sa 34.9% sang Hulyo bangud padayon nga mataas ang importasyon sang mga electronic components sa pihak sang pagtaas sang electronics exports.
Base sa data sang Philippine Statistics Authority, naglab-ot sa $5.97 billion ang trade gap sang Hulyo, samtang ang kabug-usan nga trade deficit halin Enero tubtub Hulyo ang yara sa $37.34 billion, ukon 29% nga mas mataas kon ipaanggid sa kapareho nga panahon sang nagligad nga tuig.
Apang, nagtaas naman sang 140% ang imports sang electronic component sa $2.2 billion, samtang naglab-ot naman sa $14.12 billion ang kabug-usan nga imports sang Hulyo.
Suno sa pagtuon, nagapakita ini sang daku nga pagsalig sang electronics industry sa mga imported components, gani nagapabilin nga daku ang trade deficit sang pungsod.
