May bastante nga panahon ang mga Pinoy athletes para preparahan ang 33rd Southeast Asian Games sa Thailand sa Disyembre 2025.
Kumpiyansa nga ginpahayag ni Philippine Olympic Committee (POC) president Abraham “Bambol” Tolentino sa iya nga pagtambong sa SEAG Council Federation meeting sa Bangkok, Thailand.
Nakatalana ang opening ceremony sang 2025 SEA Games sa Disyembre 9 kag ang closing ceremony amu sa Disyembre 20 para sa mga hampang nga pagahiwaton sa Bangkok, Chonburi kag Songkhla.
Kabug-usan nga 581 events ang nakalinya sa 50 ka sports magluwas sa tatlo nga demonstration sports kalakip ang tug of war kag ultimate (freesbee).
Ginkilala sang gobyerno ang Pilipinas nga overall champion sang 2005 at 2019 SEA Games antes nagtapos sa fourth kah fifth place sa Vietnam (2022) kag Cambodia 2023), suno sa pagpasunod.
Gindugang sang POC chief nga magahampang ang mga Pinoy athletes sa halos tanan nga sports sa 2025 Thailand edition agud magdako ang tsansa nga magdaog sang gold medal.
Ginganyat man ni Tolentino ang mga National Sports Associations (NSA) nga sundon ang formula nga nagresulta sa pag-angkon sang pungsod sang una nga Olympic gold medal nagikan kay weightlifter Hidilyn Diaz-Naranjo sadtong Tokyo 2020 kag ang double gold medal ni gymnast Carlos Yulo sa Paris 2024.
