-- ADVERTISEMENT --
Sulod na ang Philippine men’s lacrosse team sa 2027 World Championship matapos makarekord sang 10-9 overtime victory batok sa Japan sa 2026 Asia-Pacific Men’s Lacrosse Tournament.
Apisar pa nga napierde sila sa 4-7 sa halftime, ang Team nagpakita sang daku nga determinasyon paagi sa pag-iskor sang lima ka mga goal sa ikatlo nga quarter agud makalab-ot kag makapabilin sa hampang.
Nagdugang sang duha ka goals ang Japan sa closing stages, apang natigayon sang Pilipinas nga mapilitan ang overtime sa score nga 9-9.
Nahibaluan nga ini na ang ika-tatlo nga sunod-sunod nga partisipasyon sang Pilipinas sa world meet humalin sang ini ang nag-debut sadtong tuig 2018 sa Netanya, Israel kun sa diin nagtapos ang team sa ika-10 nga pwesto.
