Nakakuha sang 100 percent nga passing rate ang PHINMA University of Iloilo sa September 2026 Psychometrician Licensure Examination.
Sa interview sang Bombo Radyo kay Mr. John Marco Segobre, Dean sang College of Allied Health Sciences sang unibersidad, iya ginpahayag nga proud sila sa resulta sang exam, ilabi na kay ikaduha na ini nga tuig nga nakakuha sila sang 100 percent nga passing rate.
Suno kay Segobre, isa ini ka pamatuod sang ila pagpaninguha nga mahatagan sang kalidad nga edukasyon ang mga estudyante agud makagradwar nga may knowlegde kag competence.
Dugang pa sang natungdan, intensive ang preparasyon sang mga estudyante para sa board exam kag ginahanda na sila halin pa sa kolehiyo paagi sa nagkalain-lain nga board exam preparations kag pag-master sang mga subject.
Nagalaum ang unibersidad nga padayon nga mangin preparado ang ila mga graduates sa pagkuha sang tagsa ka mga board exam.
