Natukiban sang Quick Response Team sang Philippine Institute of Volcanology and Seismology (PHIVOLCS-DOST) ang fault nga gintunaan sang makahalalit nga magnitude 6.9 nga linog sa Cebu sang Martes sang gab-i, Setyembre 30.
Suno sa ahensya, nakit-an sang grupo ang onland extension sang fault malapit sa Sitio Looc, Barangay Nailon sa syudad sang Bogo nga amo ang pinakamabudlay nga nahalitan sang linog.
Ginhingadlan sang ahensya ang bag-o nga fault nga Bogo Bay Fault.
Sa subong, nakarecord ang Phivolcs sang masobra 4,300 ka mga aftershocks humalin sang nagluntad ang magnitude 6.9 nga linog nga may kabaskugon halin sa 1.0 tubtob 5.1.
Padayon naman ang panugyan sang ahensya sa publiko nga magpabilin nga alerto bangud apisar nga ginalauman nga magabuhin ang intensity kag frequency sang narekord nga aftershocks, posible sa gihapon suno sa ila nga makarekord sang mabaskog nga aftershocks.
