-- ADVERTISEMENT --
ROXAS CITY – Naka-record ang Provincial Health Office sang apat ka mga bag-o nga Persons Under Investigation (PUI) sa probinsiya bangud sa coronavirus disease (COVID-19).
Base sa datos nga ginpaguwa sang PHO, ang isa ka PUI ang naga-edad sang 28 anyos nga lalaki nga may history of travel sa Qatar kag Metro manila kag padayon sa karon nga naga-home quarantine.
Ang PUI No. 10 naman ang isa ka 52 anyos nga babaye nga may history of travel sa Makati City; ang PUI No. 11 ang isa ka 25 anyos nga babaye nga may history of travel sa Taguig City kag ang PUI No. 12 ang isa ka 28 anyos nga lalaki nga may history of travel sa Sampaloc, Manila.
Mahibaluan nga ang PUI No. 10, 11, kag 12 ang padayon sa karon nga naka-hospital quarantine.
