Natalana nga pungkuan kag estoryahan sang mga katapu sang Integrated Bar of the Philippines (IBP) Capiz chapter ang ginapangayo nga affidavit of indigency kag social case study gikan sa DSWD ukon MSWD sa mga investor sang investment scheme nga nagadangup sa ila talatapan.
Ginpahayag ni Atty. Judgee Earl Ross del Castillo, presidente sang IBP Capiz chapter ang nasambit nga mga dokumento ang kabahin sang ila rekisitos nga ginapangayo sa indigent nga mga investors nga nabiktima sang investment scheme nga luyag maka-avail sa ginahatag nga free legal service sang talatapan.
Suno sa opisyal nga ini na ang guidelines ukon pagsulundan sang IBP-Capiz chapter agud mabuligan ang mga pigado nga investors nga nagpasimpalad sang ila hard earned money sa paglaum nga ma-doble ang ila investment.
Ginklaro pa ni del Castillo nga aplikable lamang ang free legal service sang talatapan sa mga pigado nga investors nga wala sang ikasarang magbayad sa pribado nga mga abogado.
#OverAllConsistentNumber1saCapiz
