Pila ka barangay sa 2 ka banwa sa Capiz, liwat nga ginbaha bangud sa pag-ulan

ROXAS CITY – Ginbaha na naman ang pila ka mga barangay sa banwa sang Maayon kag Cuartero sa probinsiya sang Capiz, bangud sa padayun nga pagbubo sang ulan.

Nagtaas ang lebel sang tubig sa suba sa banwa sang Maayon sa diin pila ka mga barangay kag ulumhan ang ginbaha.

Indi naman maagyan sang anuman nga sahi sang salakyan ang Barangay Fernandez, Poblacion Ilaya, Ilawod, Tabuc kag Palaguian sa nasambit nga banwa bangud sa pagtaas sang tubig.

Samtang ginbaha man ang Barangay San Antonio sa banwa sang Cuartero sa diin indi maagyan ang Sitio Anangge sa Barangay East Villa Flores sa Maayon, Capiz kag vice versa.

Sa karon padayun ang monitoring sang Provincial Disaster Risk Reduction and Management Council – Aksyon Tabang sa mga ginbaha nga lugar.