ROXAS CITY – Ginpanginwala sang pila ka driver sang ‘Libreng-sakay’ nga modernized jeepneys sa syudad nga nagalibot sila, sa ila nga ruta kag masami halos punuan.
Ini ang ginpahayag ni Rodgienel Celiz, driver kag may ruta nga Barra/Libas-RCITT and vice versa, sang mainterview sang Bombo Radyo.
Suno diri, indi matuod nga indi ini sila makit-an sa dalan, kag ginatudlo nga bangud sa trapiko, kun kaisa makit-an nga nagasundanay ang mga ini.
Ginbali man sini ang pila ka alegasyon sang mga commuters nga wala nagapang-para apisar nga wala sang pasahero.
Pagklaro ni Celiz, nga masami halos punuan na sila rason nga indi na nila mapundohan ang mga nagapara nga magasakay.
Matandaan nga nagsugod ang ‘Libreng-sakay’ sa mga modernized jeepneys ukon mas kilala nga ‘mini-buses’ sang Hunyo 3, Biyernes nga adlaw kag ginapahayag nga posible magadugay tubtob sa katapusan sang Hunyo.
