Ginkumpirmar sang pamunuan sang Armed Forces of the Philippines (AFP) nga temporaryo nila nga gin-disable ang pila ka features sa ila social media account.
Suno kay AFP public affairs office chief Colonel Xerxes Trinidad, ini ang bangud sa ila na monitor nga suspicious activities gikan sa mga mga trolls accounts.
Partikular nga gintumod ni Trinidad ang comment section sang ila social media account.
Nanindugan ang Armed Forces of the Philippines (AFP) nga indi nila pagpabay-an nga samaron sang mga trolls ang kumunidad pinaagi sa paglapta sang mga sala nga impormasyon sa publiko.
Nagpangayo man ini sang pasaylo sa publiko ang Sandatahang Lakas ng Pilipinas bangud sila ang pinakauna nga maapektuhan sang nasambit nga tikang.
Samtang, pwede gihapon nga mangin updated ang publiko bangud plano sang AFP nga magpaguwa sang mga statements releases kag impormasyon natuhoy sa mga aktibidad sini pinaagi sa official chanel nga mga media organization.
Nagpanawagan man ini sa tanan nga ireport ang anuman nga maoberbaran nga makaduluda nga aktibidad online kag magpati lamang sa mga masaligan nga sources sang impormasyon.
