Plano sang Department of Transportation (DOTr) nga dugangan ang pagpaidalum sa privatization sang mga hulugpaan sa pungsod.
Tinutuyo sini agud mapamag-an ang trabaho sang Civil Aviation Authority of the Philippines (CAAP) nga siya ang nangin operator kag regulator sang halos tanan nga hulugpaan sa Pilipinas.
Suno kay DOTr Undersecretary for Aviation and Airports Roberto Lim nga sa masunod nga semana, maga-angkon sang kasugtanan ang ahensya sa isa ka private company para sa maintenance sang Laguindigan Airport sa Misamis Oriental.
Dugang pa sini nga ang nasambit nga proyekto ang nagabalor sang P12.75 bilyon para sa 30ka tuig nga consession period.
Pila sa mga nakalinyada sa idalum sang posible public private partnership deal amu ang mga hulugpaan sa Iloilo, Puerto Princesa kag sa Kalibo.
Sa kabug-usan nga 90 ka hulugpaan sa pungsod, kalakip ang mga magagmay nga airports sa mga isla, lima lamang sa mga ini ang gina-operate sang private companies kag ini ang ginakalakipan sang Ninoy Aquino International Airport, Mactan-Cebu International Airport, Clark International Airport, Caticlan Airport, kag Laguindingan Airport .
