ROXAS CITY – Madamo pa sa karun sang bakante nga mga kwarto sa lodging house subong nga adlaw sang Valentine’s Day kag wala man sang pagba-o sa presyo sang room rates.
Sa pagpaking-angut sang Bombo Radyo Roxas sa staff sang isa ka lodging house sa Arnaldo Boulevard, Brgy. Baybay, sini nga syudad, ginpahayag sini nga wala sila nagabaton sang reservation bangud first come, first serve, ang ila basehan sa mga customers.
Ginpahayag man sini nga wala sila nagpataas sang presyo kag nagapabilin sa P650 tubtob P1,500 ang ila air-conditioned room, depende sa kadamuon sang persona.
Samtang, ang ila non air-conditioned room naman ang may pagsuloktan nga P350 tubtob P550, depende man sa kadamuon sang guests.
Aminado man ang staff nga posible nangin practical naman ang mga tawo sa karon nga may pandemya sa ila pagselebrar sang Valentine’s day.
