Posible nga magpasaka sang ethics complaint ang mga katapo sang Lakas-CMD batuk kay Cavite 4th District Rep. Kiko Barzaga bangud sa ginaalegar pagpalapta sang wala basehan nga mga alegasyon batok sa mga kaupod nga mamalidha.
Suno kay Lanao del Sur Rep. Zia Alonto Adiong, indi matuod ang ginpost ni Barzaga tuhoy sa gin-alegar meeting sang Lakas-CMD sang damlag lang angut sa pagka-state witness ni Leyte Rep. Martin Romualdez.
Dugang pa sini, indi man matuod nga protektahan sang partido ang House Majority Leader Sandro Marcos, subong man si anay Sen. Bong Revilla, Representatives Jayjay Suarez, Roman Romulo, Adiong, kag ang ginapahayag pagpamilit ni First Lady Liza Araneta-Marcos kay Sen. Chiz Escudero sa imbestigasyon sang Independent Infrastructure Commission (ICI).
Ginhatagan pagtamod ni Adiong nga indi miyembro sang Lakas-CMD si Romulo kag wala man nakatambong sa nasambit nga sinapol.
Pahayag pa ni Adiong, seryoso nga ginakonsiderar sang mga miyembro sang Lakas ang pagpasaka sang ethics complaint bangud sa pagpalapta sang kabutigan kag pagkaguba sang reputasyon sang mga miyembro, ilabi na ang mga wala nakatambong sa sinapol.
Nagpanawagan si Adiong kay Barzaga nga itutok ang iya oras sa paghimo sang kasuguan kag pagbulig sa iya distrito sa baylo nga magpalapta sang sala nga impormasyon.
