ROXAS CITY – Wala na sang makit-an nga nagabaligya sang panginhason sa Ivisan Public Market, matapos nga kumpirmado ang pagkapositibo sang meat sample, nga may yara sang red tide sa ila nga kadagatan.
Sa pagpadulong sang Bombo Patrol sa lugar, talalupangdon nga halos mga isda nalang kag pasayan ang ginabaligya.
Sa interview sang Bombo Radyo kay Minerva Celino, nga residente sang Brgy. Talon, syudad sang Roxas, apang sa nasambit nga merkado nagabaligya, ginpahayag sini nga sumugod sang ginbawal na ang pagbaligya sang bisan ano nga sahi sang panginhason sa amu nga merkado, ginpakamaayo sini nga magpangita sang iban nga palangitan-an kag ini pinaagi sa pagpamunit sang isda agud may yara sang income, para sa iya apat tanan ka mga estudyante.
Mensahe pa sini nga mas maayo kuntani kun mabuligan man sila sang lokal nga gobyerno sa epekto sang natural phenomenon, apang kun wala man, wala man ini mahimo kundi padayon nga magbakas.
