Nakarekord sang mataas nga kita ang pila ka mayor sang European oil companies sa una nga quarter sang tuig samtang ang presyo sang enerhiya nagtaas bangud sang tensyon sa Middle East.
Suno sa report ang Shell ang nakarekord sang net profit nga kapin sa $5.7 billion, nga nagtaas sang 19% gikan sa pareho nga panahon sang nagligad nga tuig bangud sang pagtaas sang presyo sang gatong kag mas ginpabaskog nga refinery kag trading operations.
Ang BP nagreport man sang pagtaas sang kita sa $3.84 billion samtang ang TotalEnergies nakarekord sang
51 % nga pagtaas sa kita sa $5.8 billion.
Suno sa mga analyst, padayon nga ginabantayan ang pagtaas sang presyo sang gatong matapos nga apektado ang suplay sa Strait of Hormuz, bagay nga mahimo makaapekto sa international market kag sa mga pungsod nga nagasalig sa imported fuel.
