Pila ka meat vendors sa Roxas City, nagapanghakroy bangud sa kagamay nga kita sa kada adlaw

Nagapanghakroy  ang pila ka meat vendors sa  Roxas City bangud sa kagamay nga kita sa adlaw.

Ini bangud man sa  kalabaka sang mga manugbakal sang African swine fever (ASF).

Sa interview sang Bombo Radyo kay Rexie Tupaz, meat vendor, iya ginpahayag nga nabatyagan nila ang paghina sang bentahan sang baboy  sa kada adlaw.

Suno kay Tupaz, masami may sobra pa siya nga ginabaligya kag indi pareho sang nagligad nga mga inadlaw nga masami ubos ang iya nga ginabaligya.

Ginpasiguro man sini nga may kumpleto nga dokumento ang ila ginabaligya nga baboy kag bag-o kag naga-agi sa husto proseso antes nga ibaligya.