Pila ka mga armas luthang boluntaryo nga ginsungka sa magkatuhay nga mga Police Station sa Capiz

ROXAS CITY – Boluntaryo nga ginsungka ni Punong Barangay Marcelino Bauson sang Barangay Agtambi banwa sang Dao ang isa ka armas luthang sa mga katapo sang kapulisan sa Dao Municipal Police Station.

Mahibaluan nga isa ka residente ang nagturned-over kay Bauson sang (1) ka unit sang Homemade Calibre .22 nga armas luthang.

Sa pihak nga bahin, (1) naman ka Calibre .45 nga armas luthang ang ginturned-over ni Punong Barangay Jose Hernie Magbanua sang Barangay Balucuan matapos ini nga ginturned-over sang isa man sini ka pumuluyo.

Ang asud-asud nga pagsungka sang mga armas luthang ang kabahin sang kampanya sang mga kapulisan nga Tokhang Kontra Armas Luthang (TKAL).