ROXAS CITY, CAPIZ – Pabor ang pila ka opisyales sang Barangay sa Roxas City sa pag-postpone sang Barangay and Sangguniang Kabataan Elections (BSKE) agud hatagan sang ligwa ang mas mapag-on kag epektibo nga pagpatuman sang mga proyekto sa mga pumuluyo.
Sa interview sang Bombo Radyo kay Punong Barangay Roberto Ross Roldan, Liga ng mga Barangay President sa Roxas City, may positibo nga epekto ang postponement bangud mas matutukan sang mga opisyal ang mga proyekto kag programa para sa ila nga mga nasakupan.
Suno kay PB Roldan, isa ka tuig lamang ang hulaton kag bastante ini agud mas maaprubahan pa ang mga inisyatibo sa barangay.
Apang aminado man si PB Roldan nga maapektuhan man ang mga luyag kuntani magpadalagan sa eleksyon tungod kun mapirmahan na ang postponement bill, ma-delay ang ila nga mga plano.
