Ginkumpirmar sang Civil Aviation of the Philippines (CAAP) nga kanselado sa gihapon ang kadam-an nga mga flights sa Northern Luzon matapos ang pagpanglaslas sang Bagyong Marce.
Kalakip sa kanselado ang flights amu ang Philippine Airlines sa Basco, Batanes, Manila padulong sa Basco, subong man ang Basco padulong sa Clark.
Bangud sini, masobra 200 nga mga pasahero ang apektado sang flight cancelations.
Samtang, ginkumpirmar man sang ahensya nga kanselado man ang flights subong nga adlaw sa Laoag International Airport matapos maka-eksperyensya sang problema sa hulupaan.
Kalakip diri ang nawasak nga glass panels sa terminal building sang airport, kag natumba nga mga puno sang kahoy kag nawasak nga mga gutters.
Ginsiguro naman sang CAAP nga wala sang airport personnel sa Laoag ang napilasan kag nagapabilin naman nga suspendido ang operasyon sa Lingayen Airport, Vigan Airport, San Fernando Airport, Rosales Airport kag Baguio Airport apisar nga wala sang may napagkit nga halit ang bagyo sa lugar.
Sa pihak sini, balik naman sa normal ang operasyon sa Cauayan City kag nagapadayon ang mga commercial flights.
