ROXAS CITY-Ginkompirmar sang Provincial Director sang Department of the Interior and Local Government (DILG) nga may yara sang pila ka mga contact tracers nga nag-resign sa ila nga trabaho bilang kabahin sang contact tracing team sang probinsiya.
Ginapahayag ni DILG Provincial Director John Ace Azarcon nga may yara sang anum ka mga contact tracers nga nag-untat sa ila nga trabaho bilang COVID-19 contact tracers sang probinsiya.
Suno sa kay Azarcon nga may yara ini sila sang mga himata nga mga immuno-compromise nga ginkahangaw-an nga malatnan sang virus kabangdanan nga nag-untat ini sila sa pagtrabaho.
Apang ginpasalig sini nga may yara na sang ginhire ang talatapan para magatal-us sa mga nagresign nga mga contact tracers.
Mahibaluan nga nagalab-ut sa 334 ang kabug-osan nga contact tracers nga ginhire sang talatapan agud mag-augment sa contact tracing team sang kada kabanwahanan.
