Nag-abot na sa Metropolitan Cathedral and Archdiocesan Shrine of the Immaculate Conception ang Madre Peregrina de Mexico bilang kabahin sang pagpreparar sa ika-500 nga anibersaryo sang mga pagpakita sang Birhen Maria kay San Juan Diego.
Sa interview sang Bombo Radyo kay Leo Valenzuela, iya ginpahayag nga once in a lifetime experience lang ang makita ang amo nga imahen rason nga wala ini nagpangduha-duha sa pag-upod sa pagsugata sini sa probinsya.
Suno kay Valenzuela, ang pagbisita sang Madre Peregrina de Mexico ginakabig nga isa ka makasaysayan nga okasyon nga nagapalig-on sang pagtuo, paghigugma kag paghiliusa sang mga Katoliko sa Capiz kag sang bug-os nga Western Visayas.
Nahibaluan nga subong nga adlaw, maga-organisar sang Welcome Mass alas-3 sang hapon nga pangunahan ni Most Rev. Victor B. Bendico, D.D., Archbishop of Capiz.
May yara man sang regular Mass, healing session kag prayer vigil sa amo man nga adlaw
Samtang sa Agosto 29, Sabado, yara sa schedule ang prayer vigil kag healing, caravan pakadto sa Dao, misa sa St. Thomas de Villanova Parish sa Dao, kag caravan pabalik sa Cathedral.
May yara man sang anticipated Masses kag dugang nga prayer vigil kag healing session.
Sa Agosto 30, Domingo, pagapangunahan naman sang Arsobispo sang Capiz ang Farewell Mass antes nga magbiyahe ang sagrado nga imahe pakadto sa Kalibo alas-12:30 sang udto.
