Nakabatayag sang kasubo ang pila ka driver sang bus matapos ang pagsuspend ni President Ferdinand Marcos Jr., sang fare hike sa mga public utility vehicle.
Sa interview sang Bombo Radyo kay Juri Dagmil, isa ka Ceres Bus Controller, iya ginpahayag nga daku kuntani ang mabulig sang dugang nga plete sa ila kita agud makapiyan-piyan sa padayon nga pagtaas sang gatong.
Suno kay Dagmil,makaginhawa gamay ang mga pasahero bangud sang pagsuspend sang pletehan, magapabilin ang normal nga presyo sang plete.
Sa airconditioned bus, P259 ang plete sa regular passenger kag P207 sa estudyante kag Senior Citizen.
Samtang, sa regular bus, P209 ang para sa regular passenger kag P167 sa estudyante kag Senior Citizen.
Nagalaum man ang natungdan nga mapanagtag na sa lalong madali nga panahon ang mga subsidy agud makabulig sa krisis nga ginapangatubang indi lang snag transport sector kundi pati sang mga pasahero.
