Ginpakamaayo sang pila ka mga eskwelahan sa Roxas City nga suspendihon anay ang face-to-face classes kasunod sang ginaalegar nga pagpamahog sa isa ka buluthuan sa syudad.
Sa interview sang Bombo Radyo kay Police Lieutenant Colonel Rogelio Tomagtang Jr., Officer-in-Charge sang Roxas Component City Police Station, iya ginpahayag nga ginkasugtan sang kapulisan kag sang mga eskwelahan ang suspidehon ang klase sa syudad agud masiguro ang seguridad sang mga estudyante.
Suno kay Tomagtang, gilayon nga nag-deploy sang mga pulis sa lugar kag nagpatigayon sang pagsinapol kaupod ang Department of Social Welfare and Development, mga manunudlo kag personnel sang eskwelahan.
Sa amo nga pagsinapol, natukiban nga mga menor de edad ang ginaalegar nga may kaangtanan sa pagpamahog, kag isa sa ila ang nag-ako nga ang amo nga pamahog tiniaw lamang kag wala siya sang plano nga himuon.
