Naapektuhan ang pila ka kompetisyon sa Asian Games sa Aichi-Nagoya 2026 matapos mag-igo ang typhoon Dujuan sa pila ka parte sang Japan.
Gindala sang bagyo ang makusog nga ulan kag hangin, gani gin-adjust sang mga organizers ang schedule sang pila ka outdoor events para sa kaluwasan sang mga atleta, officials kag spectators.
Una sa mga naapektuhan amo ang equestrian eventing competition, nga gin-postpone bangud sa malain nga weather conditions.
Samtang, ginamonitor man sang mga organizers ang weather situation sa iban pa nga mga venue nga posible maapektuhan sang bagyo.
Suno kay Bombo Hannah Galvez, International Correspondent sa Japan, may mga kompetisyon nga gin-isol ang schedule bangud sa malain nga panyempo bangud sa risgo nga dala sini kun ipadayon.
Dugang pa ni Galvez, ginapabilin nga alerto ang mga delegation sa posible pa nga pagbag-o sang schedule sang mga event, ilabi na ang mga kompetisyon nga ginahimo sa outdoor venues.
Samtang, padayon naman ang iban nga mga kompetisyon sa asian games samtang padayon sa gihapon nga ginatutukan sang mga organizers ang lakat sang panahon sa Japan.
