Apektado sang matumal nga pagbaligyaanay sang isda ang pila ka mga vendors sa may bahin sang Teodoro Arcenas Trade Center.
Sa interview sang Bombo Radyo kay Vilma Anuran, Fish Vendor, iya ginpahayag nga gamay lang ang nagabakal sang isda sa ila nga pwesto rason nga apektado man ang ila nga kita.
Suno kay Anuran, sang nagligad makapaubos sila sang sang isda sa sulod sang isa ka adlaw apang subong nagalab-ot na sa duha tubtub tatlo ka adlaw antes maubos ang ila baligya.
Dugang pa niya, nga ginaantos na lang nila nga bisan gamay ang ila pamentahon agud nga may pangbakal sila sang mga kinahanglanon sa pang-adlaw-adlaw.
Pahayag pa niya, apisar nga mahina ang ila pamemtahanon nagapabalin sa gihapon nga estable ang presyo sang mga isda kag wala sang pagsaka.
Nagpanawagan man ang natungdan nga kuntani maintindihan sila sang ila mga costumer bangud sa subong tuman gid ka pidago sang baklanay tuga man sang nagataas nga presyo sang gatong.
