Paubos na ang mga stock sang gatong sa pila ka mga gasoline station sa syudad sang Roxas.
Ini matapos ang gulpi nga pagsaka sang presyo bangud man sa nagapadayon nga tension sa Middle East.
Sa interview sang Bombo Radyo kay Jerry Daynolo, Operation Manager, sabg West oil sang barangay baybay, Roxas City, iya ginpahayag nga ubos na ang stock sang ila gasolina, rason nga wala na sila sang ibaligya.
Suno pa kay Daynolo, apektado gid ang ila nga negosyo bangud madamo sang mga manugbakal ang indi nila mabaligyaan.
Dugang pa niya, kon possible nga magapadayon ang pagsaka sang gatong mahimo nalang nga kontrolon sang mga trycycle drivers ukon motorista ang ila pagbiyahe agud makakinot sa gatong.
Nagpanugyan man ini sa mga publiko nga mangin kampante kag indi mag panic buying bangud may yara pa man sang stable nga gatong apang ang presyo unstable sa gihapon.
