Maga-upod ang grupo sang mga kabataan sa pagahiwaton nga Trillion Peso March bilang suporta sa panawagan para sa transparency kag accountability sa paggamit sang pondo sang gobyerno.
Sa interview sang Bombo Radyo kay Claire Lopez, National Vice Chairperson sang Akbayan Youth, iya ginpahayag nga importante nga mabatian ang tingog sang kabataan sa mga isyu nga may dako nga epekto sa pungsod.
Suno kay Lopez, ang ila pag-upod sa nagatinguha nga ipakita ang pag-isa sang mga kabataan sa panawagan nga masiguro ang insakto kag matinlo nga paggamit sang pondo publiko.
Pahayag pa niya, may importante nga papel ang mga kabataan sa pagpasanyog sang maayo nga panggobyerno kag pagpangayo sang accountability gikan sa mga lider sang pungsod.
Ginalauman nga magatambong man sa Trillion Peso March ang nagkalain-lain nga mga organisasyon kag sektor agud ipahayag ang ila mga panawagan may kaangtanan sa accountability kag transparency sapaggamit sang pondo sang gobyerno .
