Nakabatyag sang kahidlaw ang pila ka mga himata nga nagbisita sa patyo sa ila mga pinalangga nga nagtaliwan na.
Sa interview sang Bombo Radyo kay Phoebe Joy Limpoco, iya ginpahayag nga apisar tinuig na ang nagligad, daw kaangay kahapon lang ang pagbaya sang iya iloy kag lolo
Suno kay Limpoco, nadumduman sa gihapon sini ang pag-atipan sang iya iloy kag ang pagpalangga sang iya lolo siya sang siya ang bata pa
Pahayag pa sini, pagadal-on niya sa iya kabuhi ang tanan nga leksyon nga iya natun-an halin sa iya iloy kag lolo, kag himuon ini nga giya sa pag-atubang sa mga pagsulay kag pagpadayon sa kabuhi.
Apisar masakit ang pagkadula sang isa ka pinalangga, ginapakita sang natungdan nga ang gugma kag mga leksyon nga ila nabilin magapadayon nga mangin bahin sang kabuhi sang mga nabilin.
