Nagapadayun ang kabalaka sang pila ka mga hog raisers sa epekto sang African Swine Fever (ASF) nga nagahatag sang daku nga haLit sa industriya sang baboy.
Sa interview sang Bombo Radyo kay Joan Lariza, iya ginpahayag nga ang paghupot sang baboy amo ang ila main source of income, gani daku gid ang epekto kun maapektuhan ini sang ASF.
Suno sa iya, indi lamang kita ang apektado kundi pati ang seguridad sang pagkaon kag ang padayon nga operasyon sang mga piggery.
Pahayag pa niya, sang tuig 2018, madamo pa kuntani sang iya alaga nga baboy sa piggery, apang sa subong nga panahon, nagmubo na ini bangud sa kahadlok nga magkalat ang balatian kag magresulta sa daku nga lugi.
Dugang pa niya, kinahanglan sang mas istrikto nga biosecurity measures, regular monitoring, kag paghatag sang ASF vaccines halin sa gobyerno agud maprotektahan ang mga hog raisers.
Nagpahanumdom man ang natungdan sa publiko nga mangin aware agud malikawan ang paglapta sang ASF paagi sa responsible nga pagdumala kag pagpalit sang karne.
