Pila ka mga kabaranggayan sa banwa sang Sigma, ginlubog sang tubig baha

ROXAS CITY-Hugot ang ginapatigayon nga close monitoring sang Municipal Disaster Risk Reduction and Management Office-Sigma ang pila ka mga kabaranggayan nga apektado sang tubig baha.

Suno kay Mr. Joenard Compuesto, Administrative Officer sang Sigma MDRRMO nga nagapadayon ang pagtaas sang level sang tubig baha sa pila ka mga kabaranggayan sa amo nga banwa.

Kalakip sa mga baranggay nga nagtaas ang tubig kasunod sang mamunog nga ulan amo Baranggay Dayhagon, Amaga, Bangon-Bangon, Matangcong, Cogon, Pob.Norte ,Pob. Sur, Guintas, Capuyhan,Pagbunitan Pinamalatican kag Mangoso.

Dugang pa ni Campuesto nga  indi na passable sa mga salakyan ang nasambit nga mga barangay matapos nga naglapaw na ang tubig baha sa mga uyapad.