Nakataas na sa Tropical Cyclone Wind Signal (TCWS) number 1 ang pila ka mga lugar bangud sa bagyong Pepito.
Suno sa PAGASA, nasiplatan ang sentro sang bagyo sa may 945 kilometers sang sidlangan sang Eastern Visayas.
Ma kabaskugon ini nga hangin sa 110 kilometers per hour kag pagbugso sang tubtob sa 125 kph.
Yara sa signal number 1 ang mga lugar sang Catanduanes; Caramoan, Garchitorena, Presentacion, San Jose, Lagonoy sa Camarines Sur; Rapu-Rapu, City of Tabaco, Malilipot, Santo Domingo, Bacacay, Legazpi City, Malinao, Manito, Tiwi sa Albay; Juban, City of Sorsogon, Barcelona, Bulusan, Magallanes, Gubat, Santa Magdalena, Casiguran, Bulan, Irosin, Matnog, Prieto Diaz sa Sorsogon.
Samtang sa bahin naman sang Visayas nakataas sa signal number 1 ang mga lugar sang Northern Samar; San Policarpo, Arteche, Jipapad, Maslog, Dolores, Oras sa Eastern Samar; Matuguinao, San Jose de Buan sa northeast Samar.
Base sa datos sang PAGASA, nga mahimo mag-landfall sa nasidlangan sang kadagatan sang Central Luzon ang bagyo sa Nobyembre 16 ukon 17.
Mahimu naman dalayon nga makapaguha sang Philippine Area of Responsibility ang bagyo sa adlaw sang Lunes, Nobyembre 18.
