Ginkwestyon sang pila ka mga mamalidha ang proseso angut sa pagbayad ni Vice President Sara Duterte sang piyansa sa Quezon City Regional Trial Court nga nagdugay sang pila ka oras.
Lakip diri amo si Bicol Saro Party-list Representative Terry Ridon, nga nagpabutyag sang pagpangduha-duha sa ginaalegar kapaslawan sa pagkuha sang mugshot ni Duterte bilang kabahin sang booking process.
Sa baylo nga magpaidalom sa mugshot, ginpahayag nga nagsumiter lamang sang litrato sang iya kaugalingon ang Bise Presidente.
Ginpanindugan ni Ridon nga dapat ipaathag sang mga otoridad ang legal nga basehan para sa amo nga exemption.
Ginhatagan pagtamod ni Ridon nga dapat uniporme ang pagpatuman sang proseso para sa tanan nga mga akusado nga indibidwal, ano man ang ila posisyon ukon social status.
Samtang, ginsita man ni Akbayan Party-list Representative Perci Cendaña ang pahayag ni Duterte nga wala siya nakabatyag sang seguridad samtang nagapadulong sa korte, kag nagapanindugan nga dapat ipadayon ang accountability paagi sa due process.
