Nanawagan si House Deputy Minority Leader kag Mamamayang Liberal Party Representative Leila de Lima kay Presidente Ferdinand “Bongbong” Marcos Jr. nga himuon nga live ang tanan nga hearing sang Independent Commission for Infrastructure (ICI) angut sa maanomaliya nga mga flood control projects.
Suno kay De Lima, dapat mangin transparent ang gobyerno agud ipakita ang transparency, kag siguraduhon nga wala ginatago sang ICI sa publiko ang resulta sang ila imbestigasyon.
Samtang, ginhatagan pagtamod ni Representative Mark Anthony Santos sang Las Piñas nga may kinamatarung ang publiko nga mahibaluan ang bug-os nga detalye sang imbestigasyon, ilabi na nga binilyon ka pesos nga pondo sang publiko ang nadalahig.
Suno kay Santos, pinaagi sa live streaming, makita sang mga pumuluyo kun sin-o ang nagasugid sang matuod kag malikawan ang pagtabon-tabon kag pamulitika.
Dugang pa sang natungdan, ang transparency indi lang isa ka saad, kundi isa ka obligasyon, ilabi na sa atubang sang dalagku nga mga alegasyon sang korapsyon.
