Nagpataas na sang presyo ang pila ka mga manugbaligya sang isda sa Teodoro Arcenas Trade Center bangud man sa nagapadayon nga pagtaas sang presyo sang gatong.
Sa interview sang Bombo Radyo kay Naneth Francisco, isa ka fish vendor, iya ginpahayag nga nakadepende man ang ila presyohanay sang isda kon barato man ang ila ginakuhaan.
Suno kay Francisco, ang presyo sang tuloy ang yara sa P100 ang Kilo, ang bulinaw P140 ang kilo kag ang Bulaw-bulaw P160 ang Kilo.
Dugang pa niya nga apektado gid ang pagtaas sang presyo sang gatong sa ila bangud may yara sang customer ang nagareklamo nga mahal ang ila sini nga isda.
Pahayag pa sini nga patas lang man ang kantidad nga ginpasaka sini sa iya mga baligya agud makaginansya man kag madugangan ang iya pang-adlaw-adlaw nga kita.
