Nakabatyag sang tuman kanubo sang kita ang pila ka mga manugbaligya sang utan sa bagsakan center sang Teodoro Arcenas Trade Center.
Sa interview sang Bombo Radyo kay Celia Acer, isa ka vegetable vendor, iya ginpahayag nga sakto lang ang iya kita sa pangbakal sang pangadlaw-adlaw nga mga kinangahalon.
Suno pa kay Arevalo, kon kaisa husto lang ibayad sa arkila sa motor ang iya nga kita bangud man nga mahal ang gasolina.
Dugang pa niya, wala man sang pagbag-o sa presyo sang iya mga baligya kay nakaintindi man ini sang kapigaduhon subong.
Pahayag pa niya, bastante lang ang iya sini nga kapital agud ibakal naman sang panibag-o nga baligya para sa masunod nga adlaw.
Nagalaum man ang natungdan nga kuntanin mahatagan man sang aksyon sang gobyerno ang padayon nga pagsaka sang gatong agud indi man tuman nga maapektuhan ang presyo sang pila ka mga balaklon nga mas makapabudlay sa mga ordinary nga mga mamumugon kaangay niya.
