Indi pa mabatyagan sang pila ka mga manugbaligya sang utan ang epekto sang pagnubo sang presyo sang gatong.
(WILFREDO)
Sa interview sang Bombo Radyo kay Wilfredo Dela Cruz, isa ka vegetable vendor, iya ginpahayag nga nagapabilin ang mataas ang presyo sang ila baligya bangud mataas sa gihapon ang ila kuha sa mga supplier.
Suno kay Dela Cruz, gamay ang supply sang utan nga gina-ani sa subong tuga sang mainit nga panyempo.
(VEGETABLE)
Yari naman ang presyohanay sang pila ka mga utan:
*kapayas- P30 per kilo
*Alugbati- P60 ang bugkos
*Latoy- P60-P100 ang bugkos
*Kulitis – P20 ang tumpok
*Gabi – P40 per kilo
*Dahon Kamote – P20 pesos ang bugkos
*kalabasa – P20 kada slice
*puso sang saging – P30 per kilo
*Okra – P10 ang tumpok
*Tambo – P20 ang tumpok
*Batwan – P10-P20 tumpok
Pahayag pa niya, malayo sa gihapon ang ila nga kita kun ipaanggid sang una kag daw kaangay nga ginabalik lang ang ila nga kapital para sa sunod naman nga adlaw.
Nagalaum man ang natungdan nga magpadayon ang pagnubo sang presyo sang gatong agud makabawi man sila sa ila nga kita.
