Nadulaan sang puluy-an ang kapin 12 ka mga balay lakip na ang isa ka restobar matapos masunog sa Barangay VIII, Roxas City
Sa interview sang Bombo Radyo kay Punong Barangay Holce Bialen, iya ginpahayag nga mostly human sa light materials ang mga panimalay rason nga madasig ini nga ginlamon sang kalayo.
Ginpasiguro man sini nga mahatagan sang nagakaigo nga bulig ang mga naapektuhan sang sunog.
Samtang, nagapanawagan naman sang bulig ang isa sa mga nasunugan bangud wala gid sila sang may nasalbar.
Suno kay Josanie Alberto, nakibot na lang ini samtang nagakatulog nga may nagalapak sa ila nga atop kag may nagasinggitan sang sunog.
Gilayon man ini nga naglumpat sa ila balay dala ang iya duha ka mga bata.
Nagalaum man ang natungdan nga mahatagan sila sang bulig bilang bag-o nga umpisa sa ginlamon nila nga palangabuhian sang sunog.
