Pila ka mga negosyante nagakahangawa kag nabalaka kasunod sang pagpositibo sa COVID-19 sang isa ka negosyante kag temporaryo nga pagsarado sang Burgos Talipapa

ROXAS CITY – Nagakahangawa ang pila ka mga vendors matapos nga nagpositibo sa COVID-19 ang isa ka negosyante kag temporaryo nga pagpasarado sa Burgos Talipa, Burgos Street, Roxas City.

Suno sa wala na nagpakilala nga stall owner nga tuman ang ila pagkahangawa kasunod sang pagpositibo sang ila kaupdanan nga negosyante sa nasambit nga merkado publiko.

Magluwas diri, nabalaka man sila sa ila nga negosyo kasunod sang pagsarado sang amo nga merkado.

Ginpahayag pa sini nga apisar wala man sila mahimo subong apang nagalaom na lamang ini nga kuntani mahilway sila sa nasambitan nga virus.