ROXAS CITY – Pila ka mga pamilya, nagpadulong sa Barangay Baybay agud magselebrar sang San Juan kahapon nga adlaw.
Masadya nga nagtambong ang pila ka mga pamilya nagikan pa sa nagkalain-lain nga banwa kag kabarangayan.
Sa interview sang Bombo Radyo kay Alicia Campos, isa ka iloy kag residente sang Barangay Bolo sining syudad, tradisyon na sang iya pamilya nga magpadulong sa Barangay Baybay agud magpaligo sa tion sang selebresasyon sang San Juan.
Suno diri, masadya ang iya pamilya bangud matapos ang duha ka tuig sang pandemya, liwat sila nga nakaselebrar kaupod ang iya mga bata kag apo nga tuman ang kasadya sa pagpaligo sa baybayon apisar mainit ang tiyempo kahapon.
Wala man sini ginkalipatan mag dala sang pagkaon kag nagpatigayon man ang iya pamilya sang picnic.
